ເຮືອສູ້ຮົບຂອງ ຟີລິບປິນ
ເຮືອສູ້ຮົບ Shaldag Mk V
ສຳນັກຂ່າວຫວຽດນາມລາຍງານວັນທີ 6 ສິງຫາ ນີ້ວ່າ: ກອງທັບເຮືອຟີລິບປິນ ຈະໄດ້ຮັບເຮືອສູ້ຮົບ Shaldag Mk V ຈຳນວນ 2
ລຳທີ່ຜະລິດໂດຍ ປະເທດອິດສະຣາແອນ ໃນເດືອນກັນຍາທີ່ຈະມາເຖິງ. ການຈັດຊື້ເຮືອ Shaldag Mk V ແມ່ນສ່ວນໜຶ່ງຂອງສັນຍາລະ
ຫວ່າງລັດຖະບານຟີລິບປິນ ແລະ ບໍລິສັດ ອູ່ຕໍ່ເຮືອນ ອິດສະຣາແອນ ຈໍາກັດ ຂອງປະເທດອິດສຣາແອນ ທີ່ໄດ້ລົງນາມໃນຕົ້ນປີ 2021.
ເຮືອ Shaldag Mk V ມີຄວາມຍາວ 32,65 ແມັດ ແລະ ມີປະລິມານແຫກນໍ້າເຖິງ 95 ໂຕນ, ແລ່ນດ້ວຍຄວາມໄວ 74 ກິໂລ
ແມັດຕໍ່ຊົ່ວໂມງ, ມີລະບົບນຳທາງ ແລະ ການສູ້ຮົບທີ່ທັນສະໄໝ, ຊ່ວຍເພີ່ມການປະຕິບັດງານໃນພາລະກິດລາດຕະເວນຢູ່ແຄມທະເລໄດ້
ເປັນຢ່າງດີ. ອາວຸດທີ່ຕິດຕັ້ງຢູ່ເທິງເຮືອປະເພດນີ້ ປະກອບມີ ສະຖານີອາວຸດຄວບຄຸມໄລຍະໄກ, ເຊິ່ງມາພ້ອມກັບປືນໃຫຍ່ອັດຕະໂນມັດ
ຂະໜາດ 25-30 ມມ.
ນອກຈາກນັ້ນ Shaldag Mk V ຍັງມີລະບົບເຊັນເຊີ ແລະ ລະບົບການສື່ສານທີ່ທັນສະໄໝ, ສາມາດຊ່ວຍເຮັດໃຫ້ການປະສານງານ
ມີປະສິດທິພາບ ແລະ ການຮັບຮູ້ສະຖານະການໃນລະຫວ່າງການປະຕິບັດການ ແລະ ພົບບັນດາສິ່ງກີດຂວາງຕ່າງໆ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/08/2024